Qazaqstan Respýblıkasy Aýyl sharýashylyǵy mınıstrliginiń buıryǵy  №4-1/502

  2015 jylǵy 29 mamyr, Astana qalasy Astyq qolhattary boıynsha mindettemelerdi oryndaýǵa kepildik berý júıesiniń keıbir máseleleri týraly «Astyq týraly» 2001 jylǵy 19 qańtardaǵy Qazaqstan Respýblıkasy Zańynyń 6-babynyń 32) tarmaqshasyna sáıkes buıyramyn: 1. Mynalar: 1) osy buıryqqa 1-qosymshaǵa sáıkes Astyq qolhattary boıynsha mindettemelerdi oryndaýǵa kepildik berý qorlaryn qurýǵa, olardyń jumys isteýi men taratylýyna qoıylatyn talaptar, astyq qabyldaý kásiporyndarynyń astyq qolhattary boıynsha mindettemelerdi oryndaýǵa kepildik berý júıesine qatysý sharttary; 2) osy buıryqqa 2-qosymshaǵa sáıkes Astyq qolhattary boıynsha mindettemelerdi oryndaýǵa kepildik berý qorynyń (qorlarynyń) kepildikter alý jáne astyq qolhattary boıynsha mindettemelerdi oryndaýǵa kepildik berý qorynyń (qorlarynyń) astyq qolhattary boıynsha mindettemelerdi óteý qaǵıdalary bekitilsin. 2. Qazaqstan Respýblıkasy Aýyl sharýashylyǵy mınıstrliginiń О́simdik sharýashylyǵy ónimderin óndirý men qaıta óńdeý jáne fıtosanıtarııalyq qaýipsizdik departamenti zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesiniń merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin; 3) osy buıryqtyń Qazaqstan Respýblıkasy Aýyl sharýashylyǵy mınıstrliginiń ınternet-resýrsynda ornalas­tyrylýyn qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasy Aýyl sharýashylyǵy vıse-mınıstrine júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Aýyl sharýashylyǵy mınıstri A.MAMYTBEKOV «KELISILGEN» «KELISILGEN» Qazaqstan Respýblıkasynyń Qazaqstan Respýblıkasynyń Qarjy mınıstri Ulttyq ekonomıka mınıstri _____________B. Sultanov ___________ E. Dosaev 2015 jylǵy 5 maýsym 2015 jylǵy 4 shilde Qazaqstan Respýblıkasy Aýyl sharýashylyǵy mınıstriniń 2015 jylǵy 29 mamyrdaǵy №4-1/502 buıryǵyna 1-qosymsha Astyq qolhattary boıynsha mindettemelerdi oryndaýǵa kepildik berý qorlaryn qurýǵa, olardyń jumys isteýi men taratylýyna qoıylatyn talaptar, astyq qabyldaý kásiporyndarynyń astyq qolhattary boıynsha mindettemelerdi oryndaýǵa kepildik berý júıesine qatysý sharttary 1. Jalpy erejeler 1. Osy Astyq qolhattary boıynsha mindettemelerdi oryndaýǵa kepildik berý qorlaryn qurýǵa, olardyń jumys isteýi men taratylýyna qoıylatyn talaptar (budan ári – Talaptar) jáne astyq qabyldaý kásiporyndarynyń astyq qolhattary boıynsha mindettemelerdi oryndaýǵa kepildik berý júıesine qatysý sharttary (budan ári – Sharttar) «Astyq týraly» 2001 jylǵy 19 qańtardaǵy Qazaqstan Respýblıkasynyń Zańyna sáıkes ázirlendi jáne astyq qolhattary boıynsha mindettemelerdi oryndaýǵa kepildik berý qorlaryn (budan ári – Qor) qurýǵa, olardyń jumys isteýi men taratylýyna qoıylatyn talaptardy, sondaı-aq astyq qabyldaý kásiporyndarynyń astyq qolhattary boıynsha mindettemelerdi oryndaýǵa kepildik berý júıesine qatysý sharttaryn belgileıdi. 2. Osy Talaptarda jáne Sharttarda mynadaı uǵymdar paıdalanylady: 1) astyq qolhattarynyń tizilimi – astyq qabyldaý kásiporyndarynda mindetti túrde júrgiziletin jáne Qorǵa usynylatyn astyq qolhattaryn tirkeý qujaty; 2) qatysý sharty – Qor men astyq qabyldaý kásiporny arasynda jasalatyn shart, onyń negizinde astyq qabyldaý kásiporny astyq qolhattary boıynsha mindettemelerdi oryndaýǵa kepildik berý júıesine qatysady; 3) qatysýshy – astyq qolhattaryn bere otyryp, qoıma qyzmeti boıynsha qyzmet kórsetý jónindegi qyzmetti júzege asyrý quqyǵyna lısenzııasy bar, onymen Qor qatysý shartyn jasasqan jáne ol shart qoldanylatyn astyq qabyldaý kásiporny; 4) ýákiletti organ – quzyreti sheginde qatysýshylardyń qyzmetin úılestirý men retteýdi, sondaı-aq memlekettik astyq resýrstaryn basqarýdy júzege asyratyn ortalyq atqarýshy organ. 2. Qordy qurýǵa, onyń jumys isteýi men taratylýyna qoıylatyn talaptar 3. Qor qyzmetiniń negizgi maqsaty astyq qolhattaryn ustaýshylardyń múddelerin astyq qabyldaý kásiporyndarynyń ózderi bergen astyq qolhattary boıynsha mindettemelerdi oryndamaýynan qorǵaýdy qamtamasyz etý bolyp tabylady. 4. Qordy qurý jáne onyń jumys isteýi úshin mynadaı talaptar qoıylady: 1) aksıonerlik qoǵam nysanynda qurylatyn kommersııalyq emes uıym bolýy qajet; 2) Qordyń menshikti kapıtalynyń mólsheri astyq qolhattaryn ustaýshylardyń aldynda Qor qabyldaǵan shartty mindettemelerdiń jalpy somasynyń 5 (bes) paıyzynan kem bolmaýy tıis, bul rette mólsheri keminde 1000000000 (bir mıllıard) teńgeni quraýy qajet. 5. Qor memlekettik tirkelgen kúninen bastap 3 aıdan kesh emes merzimde ýákiletti organǵa onyń ádilet organdarynda memlekettik tirkelgenin rastaıtyn qujattardy, quryltaı qujattaryn, sondaı-aq menshikti kapıtalynyń mólsheri men qurylymy týraly málimetterdi usynady. 6. Kepildendirý jaǵdaıy týyndaǵan kezde astyq qolhattaryn ustaýshylardyń talaptaryn birinshi kezekte qamtamasyz etý maqsatynda Qordyń menshikti kapıtaly mólsheriniń keminde 80 (seksen) paıyzy turaqty negizde ótimdiligi joǵary qarjy aktıvterine (aqsha, ekinshi deńgeıdegi bankterdegi depozıtter, memlekettik baǵaly qaǵazdar jáne Qazaqstan Respýblıkasynyń aýmaǵynda jumys isteıtin saýda-sattyqty uıymdastyrýshylardyń resmı tizimderine engizilgen qundy qaǵazdar) ornalastyrylady. 7. Qor astyq qabyldaý kásiporyndarynyń ózderi bergen astyq qolhattary boıynsha mindettemelerin oryndamaýynan astyq qolhattaryn ustaýshylardyń quqyqtary men zańdy múddelerin qorǵaý maqsatynda kepildik tólemdi júrgizý úshin ótemaqy qoryn (rezerv) qurady. 8. Qordyń basqarý organdaryn qalyptastyrý tártibi men quzyreti onyń quryltaı qujattarymen anyqtalady. 9. Qor óz qyzmetin «Kommersııalyq emes uıymdar» týraly 2001 jylǵy 16 qańtardaǵy Qazaqstan Respýblıkasynyń Zańyna sáıkes júzege asyrady. 3. Astyq qabyldaý kásiporyndarynyń astyq qolhattary boıynsha mindettemelerdi oryndaýǵa kepildik berý júıesine qatysý sharttary 10. Astyq qolhattary boıynsha mindettemelerdi oryndaýǵa kepildik berý júıesine qatysý úshin astyq qabyldaý kásiporynyna mynadaı sharttar qoıylady: 1) qatysý shartyn jasasý úshin azamattyq quqyq qabiletine ıe bolýy; 2) astyq qolhattaryn bere otyryp, qoıma qyzmeti boıynsha qyzmet kórsetý jónindegi qyzmetti júzege asyrý quqyǵyna lısenzııasynyń jáne «Astyq qabyldaý kásipornynyń zerttep-tekserý aktisiniń nysanyn bekitý týraly» Qazaqstan Respýblıkasy Aýyl sharýashylyǵy mınıstriniń 2012 jylǵy 11 maýsymdaǵy № 15-03/313 buıryǵymen (Normatıvtik quqyqtyq aktilerdi memlekettik tirkeý tiziliminde № 7756 bolyp tirkelgen) bekitilgen astyq qabyldaý kásipornyn jańa ónim astyǵyn qabyldaýǵa daıyndyǵy turǵysynan zerttep-tekserý aktisiniń (budan ári – zerttep-tekserý aktisi) bolýy; 3) tóleý merzimi ótken beresheginiń bolmaýy: astyq qolhattaryn ustaýshylar men ekinshi deńgeıdegi bankter aldynda; Qorǵa ótinish bergen kúnniń aldyndaǵy 3 aıdan astam merzimge salyq jáne bıýdjetke tólenetin basqa da mindetti tólemderdi jáne jınaqtaýshy zeınetaqy qorlaryna aýdarymdardy tóleý boıynsha; 4) «Ákimshilik quqyq buzýshylyq týraly» 2014 jylǵy 5 shildedegi Qazaqstan Respýblıkasynyń Kodeksimen kózdelgen negizdemeler boıynsha taratýǵa jatpaıdy, onyń múlkine tyıym salynbaýy tıis, onyń múlki úshinshi tulǵalardyń mindettemeleri boıynsha kepildik nysany bolmaýy tıis, onyń qarjy-sharýashylyq qyzmeti toqtatylmaýy tıis; 5) Qorǵa ótinish bergen kúnniń aldyndaǵy 12 aı ishinde olarǵa berilgen astyq qolhattary boıynsha mindettemelerdi oryndamaǵany nemese tıisinshe oryndamaǵany úshin sottarmen jaýapqa tartý faktileriniń bolmaýy. 11. Astyq qabyldaý kásiporny astyq qolhattary boıynsha mindettemelerdi oryndaýǵa kepildik berý júıesine qatysý úshin osy Talaptardyń jáne Sharttardyń 10-tarmaǵynda kózdelgen talaptarǵa astyq qabyldaý kásipornynyń sáıkestigin rastaıtyn mynadaı qujattardy qosa bere otyryp, Qormen kózdelgen nysan boıynsha Qorǵa jazbasha ótinish (budan ári – ótinish) beredi: 1) astyq qabyldaý kásipornyn memlekettik tirkeý (qaıta tirkeý) týraly kýáliktiń nemese anyqtamanyń kóshirmesi (salystyryp tekserý úshin túpnusqasy usynylady); 2) astyq qabyldaý kásiporny jarǵysynyń kóshirmesi (salystyryp tekserý úshin túpnusqasy usynylady); 3) quryltaıshylar quramy týraly quryltaı shartynan úzindi kóshirme (salystyryp tekserý úshin túpnusqasy usynylady) nemese Qorǵa ótinish bergen kúnge deıin 1 aı buryn tirkeýshi bergen «Baǵaly qaǵazdardy ustaýshylar tizilimderiniń júıesin júrgizý jónindegi nusqaýlyqty bekitý týraly» Qazaqstan Respýblıkasy Ulttyq Banki Basqarmasynyń 2014 jylǵy 27 tamyzdaǵy № 167 qaýlysymen (Normatıvtik quqyqtyq aktilerdi memlekettik tirkeý tiziliminde № 9803 bolyp tirkelgen) bekitilgen qundy qaǵazdardy ustaýshylar tiziliminiń júıesindegi qundy qaǵazdardy ustaýshylardyń jeke shotynan úzindiniń túpnusqasy; 4) astyq qolhattaryn bere otyryp, qoıma qyzmeti boıynsha qyzmet kórsetý jónindegi qyzmetti júzege asyrý quqyǵyna lısenzııanyń elektrondyq nysany; 5) jańa ónim astyǵyn qabyldaýǵa daıyndyǵy turǵysynan zerttep-tekserý aktisiniń kóshirmesi (salystyryp tekserý úshin túpnusqasy usynylady); 6) astyq qoımasyna (elevator, astyq qabyldaý pýnkti) menshik quqyǵyn jáne úshinshi tulǵalardyń mindettemeleri boıynsha oǵan salynǵan aýyrtpalyqtyń joq ekenin rastaıtyn, «Quqyqtyq kadastrdan aqparat usyný erejesin bekitý týraly» Qazaqstan Respýblıkasy Ádilet mınıstriniń 2012 jylǵy 28 naýryzdaǵy № 131 buıryǵymen (Normatıvtik quqyqtyq aktilerdi memlekettik tirkeý tiziliminde № 7586 bolyp tirkelgen) bekitilgen jyljymaıtyn múlikke quqyqtardyń (aýyrtpalyqtardyń) tirkelgendigi jáne onyń tehnıkalyq sıpattamalary týraly anyqtama; 7) sońǵy qarjylyq jylǵa qarjylyq eseptilikti quraıtyn qujattardyń kóshirmeleri (salystyryp tekserý úshin túpnusqasy usynylady), sondaı-aq bar bolsa sońǵy eseptik kezeńge aralyq qarjylyq eseptiliktiń kóshirmeleri (salystyryp tekserý úshin túpnusqasy usynylady); 8) astyq qabyldaý kásipornynyń ótken qarjylyq jylǵa jyldyq qarjylyq eseptiliginiń durystyǵyn rastaıtyn aýdıtorlyq qorytyndynyń kóshirmesi (salystyryp tekserý úshin túpnusqasy usynylady) (eger ótinish aǵymdaǵy jylǵy 1 maýsymǵa deıingi merzimde berilgen jaǵdaıda, sońǵy qarjylyq jyldyń aldyndaǵy qarjylyq jylǵa aýdıtorlyq qorytyndynyń kóshirmesi usynylady (salystyryp tekserý úshin túpnusqasy usynylady); 9) astyq qabyldaý kásipornynyń ótinish berilgen kúnniń aldyndaǵy 12 aı ishinde astyq qolhattaryn ustaýshylar aldyndaǵy tólem merzimi ótken beresheginiń jáne olar bergen astyq qolhattary boıynsha mindettemelerdi oryndamaǵany nemese tıisti túrde oryndamaǵany úshin sotpen jaýapqa tartý týraly, astyq qabyldaý kásipornynyń basshysy men bas býhgalteri qol qoıǵan jáne astyq qabyldaý kásipornynyń mórimen rastalǵan habarlandyrý haty; 10) astyq qabyldaý kásipornynyń ótinish berilgen kúnniń aldyndaǵy 3 aıdan astam merzimde banki aldynda tólem merzimi ótken beresheginiń joqtyǵy týraly birinshi basshynyń nemese qol qoıý quqyǵy bar tulǵanyń jáne bas býhgalterdiń qoly qoıylǵan, bankiniń móri bar banki anyqtamasynyń túpnusqasy (eger astyq qabyldaý kásiporny ekinshi deńgeıdegi birneshe bankiniń nemese fılıaldarynyń, sondaı-aq shetel bankiniń klıenti bolǵan jaǵdaıda, bul anyqtama osyndaı bankilerdiń árqaısysynan usynylady); 11) Qazaqstan Respýblıkasy Qarjy mınıstriniń 2008 jylǵy 29 jeltoqsandaǵy № 622 buıryǵymen bekitilgen Derbes shottardy júrgizý erejeleriniń (Normatıvtik quqyqtyq aktilerdi memlekettik tirkeý tiziliminde № 5446 bolyp tirkelgen) 18-tarmaǵyna sáıkes ótinish berilgen kúnniń aldyndaǵy 3 aıdan astam merzimde astyq qabyldaý kásipornynyń salyq jáne bıýdjetke tólenetin basqa da mindetti tólemder men jınaqtaýshy zeınetaqy qorlaryna aýdarymdardy tóleý boıynsha merzimi ótken beresheginiń joqtyǵy týraly birinshi basshynyń nemese qol qoıýǵa quqyǵy bar adamnyń qoly qoıylǵan, osy memlekettik kirister organynyń mórimen rastalǵan, tıisti memlekettik kirister organy nysany anyqtamasynyń kóshirmesi (salystyryp tekserý úshin túpnusqasy usynylady). 12. Qor óziniń Qor jarǵysynda kózdelgen ýákiletti organynyń tulǵasynda osy Talaptardyń jáne Sharttardyń 11-tarmaǵynda kózdelgen astyq qabyldaý kásiporynynyń ótinishi men qujattaryn Qorǵa túsken kezden bastap kúntizbelik 30 kún ishinde astyq qolhattary boıynsha mindettemelerdi oryndaýǵa kepildik berý júıesine qosý (qospaý) turǵysynan ótinishti qarastyrady. Kórsetilgen merzimge astyq qabyldaý kásiporyndaryna jetispeıtin qujattardy daıyndaý úshin Qor beretin ýaqyt kezeńi qosylmaıdy. 13. Astyq qabyldaý kásiporny qujattardyń tolyq toptamasyn usynbaǵan jáne Qor bergen merzimde jetispeıtin qujattardy usynbaǵan jaǵdaıda, Qor jetispeıtin qujattardy usyný merzimi aıaqtalǵan kúnnen bastap 5 jumys kúni ishinde astyq qabyldaý kásipornynyń ótinishi men qujattaryn qaramaı qaıtarady. 14. Qor astyq qabyldaý kásipornyn astyq qolhattary boıynsha mindettemelerdi oryndaýǵa kepildik berý júıesine kosý týraly sheshim qabyldaǵan kúnnen bastap kúntizbelik 7 kún ishinde Qor jáne astyq qabyldaý kásiporyny qatysý shartyn jasasady jáne Qor astyq qabyldaý kásipornyna astyq qolhattary boıynsha mindettemelerdi oryndaýǵa kepildik berý júıesiniń qatysýshysy kýáligin beredi. Qordyń jáne/nemese qatysýshynyń ataýy ózgergen jaǵdaıda, Qordyń ataýy ózgergen sátten jáne/nemese qatysýshynyń rastaıtyn qujattardy usyna otyryp, ataýy ózgergendigi týraly habarlamamen júgingen sátinen bastap kúntizbelik 10 kún ishinde astyq qolhattary boıynsha mindettemelerdi oryndaýǵa kepildik berý júıesine qatysýshyǵa buryn berilgen kýálik aýystyrylýy tıis. 15. Qatysýshy aı saıyn qaǵaz jáne/nemese elektrondyq jetkizgishte Qorǵa astyq qolhattary tiziliminiń derekterin usynady, oǵan qatysýshynyń ýákiletti adamy qol qoıady, qatysýshynyń mór bederimen rastalady. Qatysýshy astyq qolhattarynyń tizilimin elektrondyq jetkizgishte usynǵan jaǵdaıda, tizilim qatysýshynyń ýákiletti adamynyń elektrondy sıfrlyq qoltańbasymen rastalady. Qor jáne qatysýshy jylyna keminde bir ret kepildik beriletin astyq qolhattaryna monıtorıng jasaý maqsatynda astyq qabyldaý kásipornyndaǵy astyq qolhattary tiziliminiń derekteri men Qordaǵy astyq qolhattary tiziliminiń derekterin salystyryp tekserýdi júrgizedi. 16. Qatysýshy qatysý shartyna sáıkes Qorǵa astyq qolhattary boıynsha mindettemelerdi oryndaýǵa kepildik berý júıesine qatysýdyń jyl saıynǵy mindetti jarnasyn tóleıdi. Qarjy jylynyń qorytyndysy boıynsha jyl saıynǵy mindetti jarna kepildi tólem júrgizý úshin ótemaqy qoryn (rezervin) qalyptastyrýǵa jiberiledi. 17. Qatysýshy ataýynyń ózgergendigi týraly Qordy kúntizbelik 30 kún ishinde habardar etedi, sondaı-aq Qorǵa jyl saıyn mynadaı qujattardy: jańa ónim astyǵyn qabyldaýǵa daıyndyǵyn zerttep-tekserý aktisiniń kóshirmesin; ótken qarjy jylyna aýdıtorlyq eseptiń kóshirmesin usynady. 18. Qor óz qatysýshylarynyń tizimi týraly aqparatty Qordyń korporatıvti ınternet-resýrsynda ornalastyrýdy qamtamasyz etedi. 19. Astyq qolhattary boıynsha mindettemelerdi oryndaýǵa kepildik berý júıesine qatysý: 1) qatysýshyny qatysý shartynda kózdelgen Qordan shyǵarý jaǵdaıy bolǵan kezde; 2) sottardyń sheshimi boıynsha; 3) qatysý sharty taraptarynyń biri taratylǵan kezde toqtatylady. Astyq qabyldaý kásipornynyń Qorda qatysýy toqtatylǵan kúnnen bastap 5 kún ishinde Qor ony Qordyń korporatıvti ınternet-resýrsyndaǵy qatysýshylar tiziminen alyp tastaýdy qamtamasyz etedi. Qazaqstan Respýblıkasy  Aýyl sharýashylyǵy 2015 jylǵy 29 mamyrdaǵy №4-1/502 buıryǵyna 2-qosymsha Astyq qolhattary boıynsha mindettemelerdi oryndaýǵa kepildik berý qorynyń (qorlarynyń) kepildikter alý jáne astyq qolhattary boıynsha mindettemelerdi oryndaýǵa kepildik berý qorynyń (qorlarynyń) astyq qolhattary boıynsha mindettemelerdi óteý qaǵıdalary 1. Jalpy erejeler 1. Osy Astyq qolhattary boıynsha mindettemelerdi oryndaýǵa kepildik berý qorynyń (qorlarynyń) kepildikter alý jáne astyq qolhattary boıynsha mindettemelerdi oryndaýǵa kepildik berý qorynyń (qorlarynyń) astyq qolhattary boıynsha mindettemelerdi óteý qaǵıdalary (budan ári – Qaǵıdalar) «Astyq týraly» 2001 jylǵy 19 qańtardaǵy Qazaqstan Respýblıkasynyń Zańyna (budan ári – Zań) sáıkes ázirlendi jáne astyq qolhattary boıynsha mindettemelerdi oryndaýǵa kepildik berý qorynyń (qorlarynyń) kepildikter alý jáne astyq qolhattary boıynsha mindettemelerdi oryndaýǵa kepildik berý qorynyń (qorlarynyń) (budan ári – Qor) astyq qolhattary boıynsha mindettemelerdi óteý tártibin aıqyndaıdy. 2. Osy Qaǵıdalarda mynadaı uǵymdar paıdalanylady: 1) baǵa kestesi – kepildik tólemderdiń mólsherin aıqyndaý úshin qajetti jáne naryqtyq qunyna sáıkes belgili bir kezeńge Qor belgilegen astyqtyń qunyn qamtıtyn qujat; 2) kepildik jaǵdaı – jergilikti atqarýshy organnyń qurylymdyq bólimshesi belgilegen, astyq qabyldaý kásipornynyń astyq sapasyn joǵaltý nemese nasharlatý faktisi; 3) kepildik jaǵdaıy týyndaǵan kún – jergilikti atqarýshy organnyń qurylymdyq bólimshesi qatysýshynyń mindettemelerdi oryndamaý faktisin rastaıtyn qujatty astyq qolhattaryn ustaýshylarǵa bergen kúni; 4) qatysý sharty – Qor men astyq qabyldaý kásiporny arasynda jasalǵan shart, onyń negizinde sońǵysy astyq qolhattary boıynsha mindettemelerdi oryndaýǵa kepildik berý júıesine qatysady; 5) qatysýshy – astyq qolhattaryn bere otyryp, qoıma qyzmeti boıynsha qyzmet kórsetý jónindegi qyzmetti júzege asyrý quqyǵyna lısenzııasy bar, onymen Qor qatysý shartyn jasasqan jáne ol shart qoldanylatyn astyq qabyldaý kásiporny; 6) jergilikti atqarýshy organnyń qurylymdyq bólimshesi – tıisti oblystyń, respýblıkalyq mańyzy bar qalalardyń, astananyń Aýyl sharýashylyǵy basqarmasy. 2. Qordyń kepildigin alý jáne Qordyń mindettemelerdi óteý tártibi 3. Qor Zańnyń 6-baby 12) tarmaqshasyna sáıkes qatysýshy bergen astyq qolhattary boıynsha mindettemelerdiń oryndalýyna kepildik beredi. 4. Kepildik jaǵdaıy týyndaǵan kezde Qor óteý sátinde qalyptasqan joǵalǵan nemese sapasy nasharlaǵan astyqtyń naryqtyq qunynyń 80 (seksen) paıyzynan kem emes mólsherde qatysýshynyń mindettemelerin aqshalaı óteýdi júrgizedi. 5. Kepildik jaǵdaıy týyndaǵan kezde astyq qolhatyn nemese astyq qolhatynyń kepil kýáligin ustaýshy kepildik jaǵdaıy týyndaǵan kúnnen bastap kúntizbelik 30 kún ishinde kepildik tólemdi alý úshin Qorǵa júginedi. 6. Kepildik tólemdi alý úshin Qorǵa: 1) kepildik tólemdi júzege asyrýǵa astyq qolhatyn ustaýshynyń ótinishi; 2) jergilikti atqarýshy organnyń qurylymdyq bólimshesiniń astyqtyń joǵalý nemese sapasynyń nasharlaý faktisin rastaıtyn qujaty (anyqtama, akt kóshirmesi); 3) astyq qolhatynyń kóshirmesi (salystyryp tekserý úshin túpnusqasy usynylady) nemese kepildik kýáliginiń kóshirmesi (astyq qolhatynyń kepildik kýáligin ustaýshy júgingen jaǵdaıda) (salystyryp tekserý úshin túpnusqasy usynylady); 4) saqtaý shartynyń kóshirmesi; 5) qaryz, kepildik sharttarynyń kóshirmeleri jáne Qor kepildik bergen, astyq qolhatymen qamtamasyz etilgen mindettemelerdiń oryndalmaǵandyǵyn rastaıtyn qujattar (astyq qolhatynyń kepildik kýáligin ustaýshy júgingen jaǵdaıda); 6) onyń jeke tulǵa ekenin rastaıtyn qujattyń kóshirmesi (eger astyq qolhatyn ustaýshy jeke tulǵa bolsa), quryltaı jáne tirkeý qujattarynyń kóshirmeleri (eger zańdy tulǵa bolsa); 7) kepildik tólemin alý úshin Qorǵa júginý quqyǵyna senimhat (astyq qolhatyn ustaýshy jeke tulǵanyń ózi nemese zańdy tulǵanyń basshysy júginbegen bolsa) usynylady. Qor talaptardy qanaǵattandyrý týraly sheshim qabyldaǵan jaǵdaıda osy tarmaqtyń 3) – 5) tarmaqshalarynda kórsetilgen qujattardyń túpnusqalary usynylady. 7. Qor kúntizbelik 30 kún ishinde astyq qolhatyn ustaýshynyń talabyn qaraıdy jáne ony qanaǵattandyrý ne odan bas tartý týraly sheshim shyǵarady. Kórsetilgen merzimge osy Qaǵıdalardyń 10-tarmaǵynda kózdelgen tártippen talapty qaraýdy toqtata turý merzimi qosylmaıdy. Talaptardy qaraýǵa kepildik jaǵdaıdyń týyndaýyna jol bergen qatysýshy tartylady. 8. Talapty qaraǵan kezde Qor aqparat úshin memlekettik organdarǵa jáne/nemese tıisti quzyretti organdarǵa (uıymdarǵa) júgine alady, sondaı-aq qatysýǵa mamandardy tarta alady. 9. Qor kepildik tólemdi júzege asyrý týraly talapty qanaǵattandyrýdan mynadaı jaǵdaılarda bas tartady: 1) kepildik jaǵdaıy týyndamaǵanda; 2) talapty qaraý merzimi ishinde qatysýshy astyq qolhaty boıynsha óz mindettemelerin erikti túrde oryndaǵanda (kepildik nemese qoımalyq kýálikterge); 3) osy Qaǵıdalarmen belgilengen Qorǵa júginýdiń merzimi ótip ketken bolsa; 4) saqtaý shartynyń jasalýyna baılanysty qatysýshy jaýapkershilikten bosatylǵan jaǵdaıda (eńserilmeıtin kúshtiń áreketin, astyq qolhatyn ustaýshynyń óreskel abaısyzdyǵyn jáne kinásin qosa alǵanda); 5) ol boıynsha astyq qolhaty jaramsyz dep tanylǵan jáne/nemese qatysýshy astyq qolhaty boıynsha mindettemelerden bosatylǵan zańdy kúshine engen sot sheshiminiń (úkiminiń) bolýy; 6) qatysýshy usynǵan astyq qolhattary tiziliminde astyq qolhattary týraly derekterdiń bolmaýy; 7) osy Qordyń qatysýshysy bolyp tabylmaıtyn, astyq qabyldaý kásiporny bergen astyq qolhatyn ustaýshy júgingen kezde. 10. Qor astyq qolhatyn ustaýshylardyń talaptaryn qaraýdy mynadaı jaǵdaılarda toqtata turady: 1) astyq qolhaty boıynsha kez kelgen daýdyń sot tártibimen qaralýy; 2) quzyretti quqyq qorǵaý jáne/nemese sot organdarynyń tıisti sheshiminiń shyǵarylýyna jáne/nemese zańdy kúshine enýine deıin – taraptardyń josyqsyz is-áreketteriniń faktisi boıynsha qatysýshynyń jáne/nemese astyq qolhatyn ustaýshynyń laýazymdy adamdarynyń is-áreketin qaraýy (astyq qolhatyn qoldan ózgertý kepildik jaǵdaıynyń týyndaýyna baǵyttalǵan nemese onyń týyndaýyna sebepshi bolǵan astyq qolhattaryn ustaýshynyń jáne qatysýshynyń zańsyz qasaqana is-áreketin, urlyq, onyń ishinde sóz baılasý, shyndyqqa sáıkes kelmeıtin aqparatty berýdi qosa alǵanda); 3) Qor aqparatty jáne/nemese astyq qolhatyn ustaýshynyń talaptaryn qaraýǵa tartylǵan mamannyń qorytyndysyn alýǵa júgingen jaǵdaıda tıisti jaýaptardy jáne/nemese qorytyndyny alǵanǵa deıin. 11. Ýaqytsha basqarý engizilgen qatysýshynyń astyq qolhatyn ustaýshylarynyń talaptaryn qanaǵattandyrýdy Qor birinshi kezekte júrgizedi. Bul rette Qor mundaı qatysýshynyń astyq qolhattaryn ustaýshylarynyń talaptaryn qaraǵan kezde ýaqytsha ákimshilikten kepildik tólemdi júzege asyrý maqsatynda qajetti aqparatty talap etýge mindetti. 12. Qor astyq qolhatyn ustaýshynyń talabyn qanaǵattandyrý týraly sheshim qabyldaǵan jaǵdaıda Qor sheshim shyǵarylǵan kúnnen bastap on jumys kúni ishinde astyq qolhatyn ustaýshyǵa onyń esep shotyna aqsha qarajatyn aýdarý arqyly kepildik tólemin júrgizedi. 13. Astyq qolhatyn ustaýshyǵa qatysýshy astyq qolhatyn (kepildik kýálikti) talap etýdiń ornyna bermegen, osy Qaǵıdalardyń 15-tarmaǵyna sáıkes eseptelgen astyq qunynyń tıesili bóligi qaıtarylady. 14. Qor tıisti sheshim qabyldanatyn aǵymdaǵy aıdyń birinshi kúnindegi jaǵdaı boıynsha astyqqa arnalǵan naryqtyq qundy qoldana otyryp, kepildik tólemder júrgiziletin, astyqqa arnalǵan baǵa kestesin bekitedi. 15. Kepildik tólem úsh kórsetkishtiń: 1) qatysýshy bermegen astyq kóleminiń; 2) astyq qolhatynda (kepildik nemese qoımalyq kýálikterinde) kórsetilgen astyqtyń sapasyna uqsas sapalyq kórsetkishterge sáıkes baǵa kestesi boıynsha bir tonna astyq qunynyń; 3) 0,8 (nól bútin onnan segiz) paıyzdan kem emes mólsherde Qor belgilegen tólem koeffısıentiniń týyndysy retinde anyqtalady. 16. Astyq qolhatyn ustaýshynyń astyq qolhattaryn bere otyryp, qoıma qyzmeti boıynsha qyzmet kórsetý jónindegi qatysýshynyń aldynda bereshegi bolǵan jaǵdaılarda, kepildik tóleminen kórsetilgen qyzmetter úshin qatysýshynyń aldyndaǵy bereshektiń somasy shegeriledi. 17. Astyq qolhatyn ustaýshy aldyndaǵy qatysýshynyń mindettemelerin óteýdi júzege asyrǵan Qorǵa ol tólegen soma sheginde astyq qolhatynda Qor paıdasyna jazba jasaý arqyly astyq qolhatyn ustaýshy osy qatysýshyǵa qoıatyn talap etý quqyǵy ótedi. Qor bereshekti tolyq kólemde ótemegen jaǵdaıda astyq qolhatyn ustaýshy tıisti ótelgen kólemge arnalǵan astyq qolhaty boıynsha quqyqty astyqtyń kólemin birneshe astyq qolhattaryna bólý jáne astyq qolhattary boıynsha astyqtyń tıisti kólemin ótkizý arqyly beredi. Buıryq Qazaqstan Respýblıkasynyń Ádilet mınıstrliginde 2015 jylǵy 6 tamyzda Normatıvtik quqyqtyq kesimderdi memlekettik tirkeýdiń tizilimine №11848 bolyp engizildi.